صراع الأبراج
المشهد الأول (غرفة معيشة فاخرة ..الزوج يجلس يتصفح جريدة .. وتدخل الزوجة )
العذراء : يا للا .. يا أسد .. أنا حضرت العشا
الأسد ( بضيق ودون أن يرفع عينه عن الجريدة ) : موش حتعشى
العذراء ( تقترب منه وترسم إبتسامة ) : طب عشان خاطرى
الأسد ( يزيح الجريدة بعنف ) : قلت لك مش حاكل .. مليش نفس
العذراء : هوه إيه بس اللى حصل ..يا أسد دى حياتنا إحنا ..ومش مفروض حد يتدخل بينا
الأسد ( بغضب ) : أمى .. مش حد .. وفيها إيه لما تطلب منك إنك تكشفى عند الدكتور ؟؟ ما إحنا فعلا بقالنا أكتر من سنتين متجوزين .. وهى برضه عايزه تفرح بعيال إبنها
العذراء : أنا مقلتش حاجه .. بس إسلوب الغمز .. واللمز .. والإهانات ده أنا ما بحبوش .. وإنت عارف أد إيه أنا نفسى فى عيل منك يا أسد .. أفرح بيه وأدلعه ويملا علينا البيت
الأسد :أيوه .. وكمان عشان يورث الثروة الكبيرة .. أنا راجل تاجر كبير .. ولازم يبقى ليه عيل يورثنى .. ويحمل إسمى
العذراء : يا أسد كل شىء بإرادة الله .. وإنشاء الله ربنا حيعوض صبرنا خير ..يس إنت ماتزعلش نفسك .. وخللى عندك أمل
الأسد : لحد إمتى ..إحنا لازم نحط حد للموضوع ده .. وبكره لازم تروحى للدكتور ..ومش حقبل منك آى حجة .. تعبانة .. بتتكسفى ..مش عارف إيه
العذراء : إللى تشوفه ياأسد .. إنشاء الله بكره نروح للدكتور .. ياللا بقى نتعشى دلوقتى .. وبكره اللى فيه الخير يعمله ربنا ( ينهض الأسد من مقعده ويتجها خارج الغرفة )
المشهد الثانى (غرفة نوم متوسطة .. الدلو نائم ..وتدخل زوجته العقرب )
العقرب ( ترفع الغطاء عن زوجها ) : يا دلو .. إصحى لى شوية
الدلو ( بتثاقل ) : إيه .. فيه إيه ؟؟
العقرب : عملت إيه فى السلفة بتاعة الشركة
الدلو : مالها ؟؟
العقرب : مالها إيه ياراجل ؟؟ مجبتهاش ليه ؟؟
الدلو : لما أبقى أصرفها .. أبقى أجيبها لك .. ممكن تسيبينى أنام شوية .. أنا عندى شغل بكره
العقرب : شغل .. شغل .. متقولشى رايح الوزارة
الدلو : ياستى لا وزارة ولا حاجة .. أنا راجل غلبان على قد حالى
العقرب : بس إحنا بنتتنا لازم تتجهز أحسن جهاز
الدلو : تتجهز .. طب مش لما تتخطب الأول .. نبقى نتكلم فى الحاجات دى ؟؟
العقرب : لأ ياروحى .. أنا أبدأ أجهز بنتى من دلوقتى .. مش حميل بختها زى ما كان بختى مايل .. ولازم أجهز لها أحسن جهاز ..ولازم تتجوز أحسن الشباب .. مش أى راجل والسلام
الدلو : إنشاء الله .. إنشاء الله .. هما العيال ناموا ؟؟
العقرب : أيوه الجوزاء نامت من بدرى .. لكن القوس لسه ماجاش .. أصله بيذاكر عند واحد صاحبه .. على فكرة .. إحنا لازم نجيب له مدرس خصوصى فى كل مادة .. عشان عايزاه يطلع الأول
الدلو : ياستى هو طلب منك حاجة ؟؟ ماهو ماشى كويس ..وبيذاكر كويس من غير مدرسين
العقرب : لأ ياحبيبى .. السنة دى سنوية عامة .. ولازم ياخد درس خصوصى .. وللا بقى هوه أقل من إصحابه
الدلو : وإيه كمان ؟؟
العقرب : أيه كمان .. يعنى أيه ؟؟ إنت مش طايق كلامى ؟؟
الدلو : أبداً .. بس أنا
العقرب : ايوه عندى شغل .. طيب ياخويا نام .. أنا سايبه لك الدنيا ( وتخرج من الغرفة )
المشهد الثالث ( الزوج الثور والزوجة الميزان يجلسان فى حديقة المنزل ..ويتناولان الشاى )
الميزان : العيال كبرت يا ثور .. وبقوا رجاله
الثور : دول عايزين تربية .. الحوت والسرطان يضربوا بعض عشان حتة بت هايفه
الميزان : على فكرة ياحاج .. الجوزاء بنت كويسه .. وعمرها ما غلطت .. جمال وأدب .. ياريت تكون من نصيب حد من عيالى
الثور : ياختى بلا نيله .. يعنى بنت العقرب حتكون أيه ؟؟ أكيد زى أمها
الميزان : بس المرحوم أبوها .. كان راجل كويس وطيب
الثور : دى بنت سهتانه .. وياما تحت الساهى دواهى ..
الميزان : طب روق دمك إنت بس .. والمهم أنا والجدى ..صالحنا الحوت والسرطان وهم برضه إخوات
الثور : والله ياميزان .. هوه الجدى اللى فيهم .. شايف دروسه ومستقبله .. لكن التانيين عاملين حبيبه وفتوات
المشهد الأول (غرفة معيشة فاخرة ..الزوج يجلس يتصفح جريدة .. وتدخل الزوجة )
العذراء : يا للا .. يا أسد .. أنا حضرت العشا
الأسد ( بضيق ودون أن يرفع عينه عن الجريدة ) : موش حتعشى
العذراء ( تقترب منه وترسم إبتسامة ) : طب عشان خاطرى
الأسد ( يزيح الجريدة بعنف ) : قلت لك مش حاكل .. مليش نفس
العذراء : هوه إيه بس اللى حصل ..يا أسد دى حياتنا إحنا ..ومش مفروض حد يتدخل بينا
الأسد ( بغضب ) : أمى .. مش حد .. وفيها إيه لما تطلب منك إنك تكشفى عند الدكتور ؟؟ ما إحنا فعلا بقالنا أكتر من سنتين متجوزين .. وهى برضه عايزه تفرح بعيال إبنها
العذراء : أنا مقلتش حاجه .. بس إسلوب الغمز .. واللمز .. والإهانات ده أنا ما بحبوش .. وإنت عارف أد إيه أنا نفسى فى عيل منك يا أسد .. أفرح بيه وأدلعه ويملا علينا البيت
الأسد :أيوه .. وكمان عشان يورث الثروة الكبيرة .. أنا راجل تاجر كبير .. ولازم يبقى ليه عيل يورثنى .. ويحمل إسمى
العذراء : يا أسد كل شىء بإرادة الله .. وإنشاء الله ربنا حيعوض صبرنا خير ..يس إنت ماتزعلش نفسك .. وخللى عندك أمل
الأسد : لحد إمتى ..إحنا لازم نحط حد للموضوع ده .. وبكره لازم تروحى للدكتور ..ومش حقبل منك آى حجة .. تعبانة .. بتتكسفى ..مش عارف إيه
العذراء : إللى تشوفه ياأسد .. إنشاء الله بكره نروح للدكتور .. ياللا بقى نتعشى دلوقتى .. وبكره اللى فيه الخير يعمله ربنا ( ينهض الأسد من مقعده ويتجها خارج الغرفة )
المشهد الثانى (غرفة نوم متوسطة .. الدلو نائم ..وتدخل زوجته العقرب )
العقرب ( ترفع الغطاء عن زوجها ) : يا دلو .. إصحى لى شوية
الدلو ( بتثاقل ) : إيه .. فيه إيه ؟؟
العقرب : عملت إيه فى السلفة بتاعة الشركة
الدلو : مالها ؟؟
العقرب : مالها إيه ياراجل ؟؟ مجبتهاش ليه ؟؟
الدلو : لما أبقى أصرفها .. أبقى أجيبها لك .. ممكن تسيبينى أنام شوية .. أنا عندى شغل بكره
العقرب : شغل .. شغل .. متقولشى رايح الوزارة
الدلو : ياستى لا وزارة ولا حاجة .. أنا راجل غلبان على قد حالى
العقرب : بس إحنا بنتتنا لازم تتجهز أحسن جهاز
الدلو : تتجهز .. طب مش لما تتخطب الأول .. نبقى نتكلم فى الحاجات دى ؟؟
العقرب : لأ ياروحى .. أنا أبدأ أجهز بنتى من دلوقتى .. مش حميل بختها زى ما كان بختى مايل .. ولازم أجهز لها أحسن جهاز ..ولازم تتجوز أحسن الشباب .. مش أى راجل والسلام
الدلو : إنشاء الله .. إنشاء الله .. هما العيال ناموا ؟؟
العقرب : أيوه الجوزاء نامت من بدرى .. لكن القوس لسه ماجاش .. أصله بيذاكر عند واحد صاحبه .. على فكرة .. إحنا لازم نجيب له مدرس خصوصى فى كل مادة .. عشان عايزاه يطلع الأول
الدلو : ياستى هو طلب منك حاجة ؟؟ ماهو ماشى كويس ..وبيذاكر كويس من غير مدرسين
العقرب : لأ ياحبيبى .. السنة دى سنوية عامة .. ولازم ياخد درس خصوصى .. وللا بقى هوه أقل من إصحابه
الدلو : وإيه كمان ؟؟
العقرب : أيه كمان .. يعنى أيه ؟؟ إنت مش طايق كلامى ؟؟
الدلو : أبداً .. بس أنا
العقرب : ايوه عندى شغل .. طيب ياخويا نام .. أنا سايبه لك الدنيا ( وتخرج من الغرفة )
المشهد الثالث ( الزوج الثور والزوجة الميزان يجلسان فى حديقة المنزل ..ويتناولان الشاى )
الميزان : العيال كبرت يا ثور .. وبقوا رجاله
الثور : دول عايزين تربية .. الحوت والسرطان يضربوا بعض عشان حتة بت هايفه
الميزان : على فكرة ياحاج .. الجوزاء بنت كويسه .. وعمرها ما غلطت .. جمال وأدب .. ياريت تكون من نصيب حد من عيالى
الثور : ياختى بلا نيله .. يعنى بنت العقرب حتكون أيه ؟؟ أكيد زى أمها
الميزان : بس المرحوم أبوها .. كان راجل كويس وطيب
الثور : دى بنت سهتانه .. وياما تحت الساهى دواهى ..
الميزان : طب روق دمك إنت بس .. والمهم أنا والجدى ..صالحنا الحوت والسرطان وهم برضه إخوات
الثور : والله ياميزان .. هوه الجدى اللى فيهم .. شايف دروسه ومستقبله .. لكن التانيين عاملين حبيبه وفتوات
No comments:
Post a Comment