المشهد العاشر (الأسد فى مكتبه وتدخل الجوزاء )
الأسد : أيوه إتفضلى ..تحبى تشربى حاجة ؟؟
الجوزاء : لأ .. ميرسى .. أنا جاية بخصوص إعلان السكرتيرة
الأسد : إشتغلتى فين قبل كدة ؟؟
الجوزاء : أنا لسة مخلصة دراستى ..
الأسد : أيه نوع تخصص دراستك ؟؟
الجوزاء : إدارة أعمال ..
الأسد : عظيم .. إنشاء الله تنبسطى من الشغل هنا ..ممكن تفوتى على شئون الأفراد .. علشان إجراءات التعيين
الجوزاء :يعنى .. أنا
الأسد : أيوه .. الوظيفة حتكون من نصيبك .. وتقدرى تستلمى شغلك من بكره
الجوزاء مرسى قوى يافندم .. أرجوا أن أكون عند حسن ظنك .. طب أستأذن من سيادتك ( تخرج بإرتباك )
الأسد : ممتازة .. وباين عليها خام
المشهد الحادى عشر (الجوزاء مع الجدى فى شقة متوسطة )
الجدى : كان لازم أشوفك
الجوزاء : وأنا مكنتش أقدر أتأخر
الجدى ( يتقدم اليها ويقبل يدها ) : ياحبيبتى قد أيه بتوحشينى طول ما أنا فى المعسكر .. بأحضن السلاح فى وسط النار وكأنك بين أحضانى مبتغيبيش عن بالى لحظة
الجوزاء :وأنا مش قادره أقول لك .. بأحس فى غيابك كأنى تايهه .. فى وسط وحوش مبترحمش
الجدى : إنت مش مستريحه فى شغلك ؟؟
الجوزاء : يعنى .. بأحس بالخوف
الجدى : إزاى ؟؟ ومن مين ؟؟
الجوزاء : لحد دلوقتى مفيش مشكلة .. لكن ساعات بأحس بنظرات غريبة فى عنين المدير
الجدى :ممكن توقفيه عند حده
الجوزاء : هوه مصدرشى منه أى شىء لحد دلوقتى
الجدى : ياحبيبتى هانت .. كلها شهرين وتنتهى مدة خدمتى من الجيش .. ونتجوز وأعوضك عن كل العذاب
الجوزاء : أنا عايزه أقول لك حاجة ..مقدرشى أخبيها أكتر من كده
الجدى ( وهو يحتضنها ) : فيه أيه ؟؟ إتكلمى ؟؟
الجوزاء : أنا حامل ياجدى
الجدى : وده شىء يضايقك ؟؟ إنت مراتى أمام الله .. وكلها شهرين ونكون متجوزين .. وتخلفى الكتكوت الصغير وأقعد طول النهار ألاعبه وأدلعه ( يحتويها بين ذراعيه ويقبلها بعنف )
المشهد الثانى عشر ( الدلو فى شقة العذراء الفاخرة )
العذراء : هوه مسافر تلات أيام
الدلو : أنا مكنتش مصدق ودانى .. وإنتى بتكلمينى فى التليفون .. وطول السكة قلبى طاير من الفرح
العذراء : أنا قررت أطلب الطلاق من الأسد ..
الدلو (يقترب منها ويقبلها ) : ياحبيبتى
العذراء : ده اللى كان مفروض يحصل من زمان .. لأنى مش قادره أتحمل أكتر من كده
الدلو : أيه .. فيه حاجة حصلت .. وتعبك فى حاجة ؟؟
العذراء : البيه المحترم .. مش مكفيه إنه مخللى حياتى جحيم .. لأ .. إمبارح ألاقيه نايم مع السكرتيرة فى أوضتى وسكرانين على الآخر
الدلو : سكرتيرة .. مين ؟ إسمها أيه ؟؟
العذراء : أنا عارفة .. أول مرة أشوفها .. وعرفت إنها لسه متعينة من كام شهر
الدلو : مصيبة لتكون الجوزاء ..دى لسه متعينة فى مكتبه من شهرين
العذراء : مين الجوزاء دى ؟؟
الدلو : دى بنت مراتى .. وزى بنتى طبعاً
العذراء : المهم .. حنعمل أيه يا دلو ؟؟
الدلو : أول ما تخلصى عدتك بعد الطلاق .. حنتجوز على طول .. ودى عايزة كلام
العذراء :بس يا دلو مراتك ؟؟
الدلو : مفيش بس ..أنا حطلق العقرب .. مش عشان إن إحنا حنتجوز .. لأ .. لأ .. لأن حياتى معاها برضه بقت مستحيلة .. تصدقى إن عمرى ما إجتمعت معاها أهو أكتر من سنتين .. عمرى ما حسيت ناحيتها بأى عاطفة ..
العذراء ( تعانقه بحرارة ) : ياحبيبي .. أد أيه أنا حاسه بالسعادة والحب وإنت معايا
الأسد : أيوه إتفضلى ..تحبى تشربى حاجة ؟؟
الجوزاء : لأ .. ميرسى .. أنا جاية بخصوص إعلان السكرتيرة
الأسد : إشتغلتى فين قبل كدة ؟؟
الجوزاء : أنا لسة مخلصة دراستى ..
الأسد : أيه نوع تخصص دراستك ؟؟
الجوزاء : إدارة أعمال ..
الأسد : عظيم .. إنشاء الله تنبسطى من الشغل هنا ..ممكن تفوتى على شئون الأفراد .. علشان إجراءات التعيين
الجوزاء :يعنى .. أنا
الأسد : أيوه .. الوظيفة حتكون من نصيبك .. وتقدرى تستلمى شغلك من بكره
الجوزاء مرسى قوى يافندم .. أرجوا أن أكون عند حسن ظنك .. طب أستأذن من سيادتك ( تخرج بإرتباك )
الأسد : ممتازة .. وباين عليها خام
المشهد الحادى عشر (الجوزاء مع الجدى فى شقة متوسطة )
الجدى : كان لازم أشوفك
الجوزاء : وأنا مكنتش أقدر أتأخر
الجدى ( يتقدم اليها ويقبل يدها ) : ياحبيبتى قد أيه بتوحشينى طول ما أنا فى المعسكر .. بأحضن السلاح فى وسط النار وكأنك بين أحضانى مبتغيبيش عن بالى لحظة
الجوزاء :وأنا مش قادره أقول لك .. بأحس فى غيابك كأنى تايهه .. فى وسط وحوش مبترحمش
الجدى : إنت مش مستريحه فى شغلك ؟؟
الجوزاء : يعنى .. بأحس بالخوف
الجدى : إزاى ؟؟ ومن مين ؟؟
الجوزاء : لحد دلوقتى مفيش مشكلة .. لكن ساعات بأحس بنظرات غريبة فى عنين المدير
الجدى :ممكن توقفيه عند حده
الجوزاء : هوه مصدرشى منه أى شىء لحد دلوقتى
الجدى : ياحبيبتى هانت .. كلها شهرين وتنتهى مدة خدمتى من الجيش .. ونتجوز وأعوضك عن كل العذاب
الجوزاء : أنا عايزه أقول لك حاجة ..مقدرشى أخبيها أكتر من كده
الجدى ( وهو يحتضنها ) : فيه أيه ؟؟ إتكلمى ؟؟
الجوزاء : أنا حامل ياجدى
الجدى : وده شىء يضايقك ؟؟ إنت مراتى أمام الله .. وكلها شهرين ونكون متجوزين .. وتخلفى الكتكوت الصغير وأقعد طول النهار ألاعبه وأدلعه ( يحتويها بين ذراعيه ويقبلها بعنف )
المشهد الثانى عشر ( الدلو فى شقة العذراء الفاخرة )
العذراء : هوه مسافر تلات أيام
الدلو : أنا مكنتش مصدق ودانى .. وإنتى بتكلمينى فى التليفون .. وطول السكة قلبى طاير من الفرح
العذراء : أنا قررت أطلب الطلاق من الأسد ..
الدلو (يقترب منها ويقبلها ) : ياحبيبتى
العذراء : ده اللى كان مفروض يحصل من زمان .. لأنى مش قادره أتحمل أكتر من كده
الدلو : أيه .. فيه حاجة حصلت .. وتعبك فى حاجة ؟؟
العذراء : البيه المحترم .. مش مكفيه إنه مخللى حياتى جحيم .. لأ .. إمبارح ألاقيه نايم مع السكرتيرة فى أوضتى وسكرانين على الآخر
الدلو : سكرتيرة .. مين ؟ إسمها أيه ؟؟
العذراء : أنا عارفة .. أول مرة أشوفها .. وعرفت إنها لسه متعينة من كام شهر
الدلو : مصيبة لتكون الجوزاء ..دى لسه متعينة فى مكتبه من شهرين
العذراء : مين الجوزاء دى ؟؟
الدلو : دى بنت مراتى .. وزى بنتى طبعاً
العذراء : المهم .. حنعمل أيه يا دلو ؟؟
الدلو : أول ما تخلصى عدتك بعد الطلاق .. حنتجوز على طول .. ودى عايزة كلام
العذراء :بس يا دلو مراتك ؟؟
الدلو : مفيش بس ..أنا حطلق العقرب .. مش عشان إن إحنا حنتجوز .. لأ .. لأ .. لأن حياتى معاها برضه بقت مستحيلة .. تصدقى إن عمرى ما إجتمعت معاها أهو أكتر من سنتين .. عمرى ما حسيت ناحيتها بأى عاطفة ..
العذراء ( تعانقه بحرارة ) : ياحبيبي .. أد أيه أنا حاسه بالسعادة والحب وإنت معايا
الدلو : من النهار ده حنعيش حبنا .. ومش حنضيع ولا دقيقة ( يقبلها ويتجهان الى غرفة النوم
No comments:
Post a Comment