المشهد الرابع (فى الجامعة .. الجدى والجوزاء يجلسان معا فى الكافيتريا )
الجدى :أنا مش عارف أقولك أيه ..أنا آسف على اللى حصل من إخواتى
الجوزاء :وإنت ذنبك إيه .. المهم .. إنت عامل أيه فى المذاكرة ؟؟
الجدى :موس .. كل المقررات حفظها صم .. وإنت عامله أيه ؟؟
الجوزاء :يعنى
الجدى : يعنى أيه ؟؟ إنت لازم تنجحى السنه دى .. وتطلعى الأولى كمان
الجوزاء : الأولى مرة واحدة
الجدى : أيوه .. وعلى فكرة لو محتاجه أى حاجة من المحاضرات .. أنا تحت أمرك
الجوزاء : مرسى .. أنا معجبة بيك جداً ياجدى .. إنت عكس أخواتك الإتنين .. طيب وخدوم وأخلاقك عالية
الجدى : لأ لأ .. أنا مقدرشى على المدح ده
الجوزاء : لأ صحيح .. انت فيك كل الميزات اللى تتمناها أى بنت فى الدنيا
الجدى : بس أنا بقى مفيش فى دنيتى إلا بنت واحدة بس .. وأول حرف من إسمها جوزاء
الجوزاء : يوه بقى .. بقولك أيه .. ياللا بينا نلحق المحاضرة قبل ما الدكتور يخش
الجدى : ياللا بينا .. ( يمسك بيدها ويتجهان للمدرج )
المشهد الخامس ( فى إحدى الحدائق .. الدلو والعذراء يسيران وقد تشابكت أيديهما )
الدلو :إنتى عايشه مع واحد مبتحبهوش .. وأنا عايش مع واحدة مبحبهاش ..لازم نعمل حاجة يا عذراء .. مش ممكن حبنا ده يموت بالسهولة دى
العذراء : ده قدرنا يادلو
الدلو :بس أنا بحبك .. قبل ما تتجوزى الأسد .. وما زلت بحبك
العذراء : وليه إتخليت عنى فى الأول ؟؟
الدلو : أنا متخلتش عنك .. إنت عارفه .. أنا طلعت من بيتكم مطرود ..لما جيت أطلب إيدك من أبوك .. وعشان أنا فقير .. حسيت بالإهانة وهو بيسألنى ياترى أبوك عنده أطيان ؟؟ .. ولما قلت له لأ .. قاللى .. إمال عايز بنات الناس تشحت بيهم على القهاوى
العذراء : بس .. متفكرنيش
الدلو : ومكنتش أقدر أهرب بيكى .. لإنى كنت بحبك ..
العذراء : وأنا غلطتى إنى مقلتش لأ .. جوزونى من الأسد لأنه راجل غنى ..مليونير .. وأنا مكنتش أقدر أرفض .. قتلونى .. وكل يوم بتقتل ميت مرة مع راجل مبحبوش .. ولكن مفروض عليه أسعده
الدلو : وأنا عشان أدارى جرح كرامتى .. وافقت على بنت خالتى اللى أكبر منى فى السن ومعاها عيلين عشان أراضى والدتى
العذراء : إحنا ضحايا يادلو .. ضحايا أهلنا
الدلو : بس أنا ما زلت بحبك .. وإنت كمان بتحبينى
العذراء : أنا دلوقتى ست متجوزة .. إيه إللى أقدر أعمله ؟؟
الدلو : تطلبى الطلاق .. إنت مش بتقولى إنه بيضايقك عشان موضوع عدم الخلفة ؟؟ بالرغم من أنه عرف إن ألعيب منه .. أيوه أطلبى الطلاق
العذراء : والناس .. وأهلى .. هيقولوا أيه ؟؟ إحنا بنلعب بالنار .. وإنت حتطلق مراتك ؟؟ طب وهى ذنبها أيه .. وإنت عارف إنى عمرى ما أقدر أبنى سعادتى على تعاسة حد ..
الدلو : يعنى أيه ؟؟ حنفضل نتعذب كده ؟؟
العذراء : نسيبها للزمن .. وندى لبعض فرصة للتفكير
المشهد السادس ( الأسد غاضب .. يستقبل زوجته على الباب )
الأسد : كنتى فين ياست هانم ؟؟
العذرء :كنت بأزور واحدة صاحبتى عيانة
الأسد : ياسلام .. مرة بازور واحدة صاحبتى .. مرة عند الخياطة .. مرة عند الكوافير .. أيه الحكاية ؟؟ وللا إنت مفيش حد قادر يحكمك ؟؟
العذراء : أنا تعبانة .. ممكن تسيبنى أستريح ؟؟
الأسد : تعبانه من أيه ياست هانم ؟؟ بقولك أيه ..إبتداء من النهار ده مفيش خروج من البيت .. مفهوم ا
العذراء : ده سحن بقى .. إنت عارف من ساعة ما إتجوزتنى إنى من عيلة ..وحرة ..وعمرى ما حقبل أكون سجينه
الأسد : الخروج يبقى معايا مش لوحدك ..أنتى دلوقتى ست متجوزة .. يعنى أيام التحرر اللى بتقولى عليها دى إنتهت .. ( العذراء تبكى وهى تجرى الى غرفتها )
الجدى :أنا مش عارف أقولك أيه ..أنا آسف على اللى حصل من إخواتى
الجوزاء :وإنت ذنبك إيه .. المهم .. إنت عامل أيه فى المذاكرة ؟؟
الجدى :موس .. كل المقررات حفظها صم .. وإنت عامله أيه ؟؟
الجوزاء :يعنى
الجدى : يعنى أيه ؟؟ إنت لازم تنجحى السنه دى .. وتطلعى الأولى كمان
الجوزاء : الأولى مرة واحدة
الجدى : أيوه .. وعلى فكرة لو محتاجه أى حاجة من المحاضرات .. أنا تحت أمرك
الجوزاء : مرسى .. أنا معجبة بيك جداً ياجدى .. إنت عكس أخواتك الإتنين .. طيب وخدوم وأخلاقك عالية
الجدى : لأ لأ .. أنا مقدرشى على المدح ده
الجوزاء : لأ صحيح .. انت فيك كل الميزات اللى تتمناها أى بنت فى الدنيا
الجدى : بس أنا بقى مفيش فى دنيتى إلا بنت واحدة بس .. وأول حرف من إسمها جوزاء
الجوزاء : يوه بقى .. بقولك أيه .. ياللا بينا نلحق المحاضرة قبل ما الدكتور يخش
الجدى : ياللا بينا .. ( يمسك بيدها ويتجهان للمدرج )
المشهد الخامس ( فى إحدى الحدائق .. الدلو والعذراء يسيران وقد تشابكت أيديهما )
الدلو :إنتى عايشه مع واحد مبتحبهوش .. وأنا عايش مع واحدة مبحبهاش ..لازم نعمل حاجة يا عذراء .. مش ممكن حبنا ده يموت بالسهولة دى
العذراء : ده قدرنا يادلو
الدلو :بس أنا بحبك .. قبل ما تتجوزى الأسد .. وما زلت بحبك
العذراء : وليه إتخليت عنى فى الأول ؟؟
الدلو : أنا متخلتش عنك .. إنت عارفه .. أنا طلعت من بيتكم مطرود ..لما جيت أطلب إيدك من أبوك .. وعشان أنا فقير .. حسيت بالإهانة وهو بيسألنى ياترى أبوك عنده أطيان ؟؟ .. ولما قلت له لأ .. قاللى .. إمال عايز بنات الناس تشحت بيهم على القهاوى
العذراء : بس .. متفكرنيش
الدلو : ومكنتش أقدر أهرب بيكى .. لإنى كنت بحبك ..
العذراء : وأنا غلطتى إنى مقلتش لأ .. جوزونى من الأسد لأنه راجل غنى ..مليونير .. وأنا مكنتش أقدر أرفض .. قتلونى .. وكل يوم بتقتل ميت مرة مع راجل مبحبوش .. ولكن مفروض عليه أسعده
الدلو : وأنا عشان أدارى جرح كرامتى .. وافقت على بنت خالتى اللى أكبر منى فى السن ومعاها عيلين عشان أراضى والدتى
العذراء : إحنا ضحايا يادلو .. ضحايا أهلنا
الدلو : بس أنا ما زلت بحبك .. وإنت كمان بتحبينى
العذراء : أنا دلوقتى ست متجوزة .. إيه إللى أقدر أعمله ؟؟
الدلو : تطلبى الطلاق .. إنت مش بتقولى إنه بيضايقك عشان موضوع عدم الخلفة ؟؟ بالرغم من أنه عرف إن ألعيب منه .. أيوه أطلبى الطلاق
العذراء : والناس .. وأهلى .. هيقولوا أيه ؟؟ إحنا بنلعب بالنار .. وإنت حتطلق مراتك ؟؟ طب وهى ذنبها أيه .. وإنت عارف إنى عمرى ما أقدر أبنى سعادتى على تعاسة حد ..
الدلو : يعنى أيه ؟؟ حنفضل نتعذب كده ؟؟
العذراء : نسيبها للزمن .. وندى لبعض فرصة للتفكير
المشهد السادس ( الأسد غاضب .. يستقبل زوجته على الباب )
الأسد : كنتى فين ياست هانم ؟؟
العذرء :كنت بأزور واحدة صاحبتى عيانة
الأسد : ياسلام .. مرة بازور واحدة صاحبتى .. مرة عند الخياطة .. مرة عند الكوافير .. أيه الحكاية ؟؟ وللا إنت مفيش حد قادر يحكمك ؟؟
العذراء : أنا تعبانة .. ممكن تسيبنى أستريح ؟؟
الأسد : تعبانه من أيه ياست هانم ؟؟ بقولك أيه ..إبتداء من النهار ده مفيش خروج من البيت .. مفهوم ا
العذراء : ده سحن بقى .. إنت عارف من ساعة ما إتجوزتنى إنى من عيلة ..وحرة ..وعمرى ما حقبل أكون سجينه
الأسد : الخروج يبقى معايا مش لوحدك ..أنتى دلوقتى ست متجوزة .. يعنى أيام التحرر اللى بتقولى عليها دى إنتهت .. ( العذراء تبكى وهى تجرى الى غرفتها )
No comments:
Post a Comment