صراع الابراج - قصة طويلة فى حلقات يومية

المشهد السادس عشر (رجال الشرطة فى منزل العقرب وهى فى بكاء مستمر
الضابط : هدى نفسك ياست .. وقوليلى هى القتيلة كانت متعودة ترجع متأخرة للبيت ؟؟
العقرب : أبداً .. إلا إذا كان عندها شغل .. وده نادر( بكاء متواصل )
الضابط : الجثة عثرنا عليها فى داخل حديقة وبها طعنات كثيرة .. وواضح إن الجانى قام بقتلها ثم نقل الجثة فى ظلام الليل وألقى بها فى الحديقة .. بتتهمى حد معين ممكن يكون له غرض فى قتلها ؟؟
العقرب (وسط بكاء حاد ) : معرفش .. هم ولاد الثور عملوها
الضابط : طيب هدى نفسك .. وإنشاء الله حنعرف الحقيقة .. وعلى فكرة ..جوزك مقبوض عليه .. علشان بعض الجيران شهدوا أنهم من أسبوع شافوة بيضربها بقسوة وتردد على لسانه قوله .. سأقتلك .. سأقتلك


المشهد السابع عشر ( مكتب التحقيقات .. المحقق والدلو.

المحقق : اسمك وسنك ومهنتك
الدلو :اسمى الدلو .. سنى 35 سنة .. محاسب فى الشركة العالمية للمقاولات
المحقق :القتيلة تقرب لك إيه ؟؟
الدلو : بنت مراتى
المحقق : هل كنت تعاملها معاملة طيبة ؟؟
الدلو : طبعا
المحقق : إيه ردك فى أن الجيران سمعوك وأنت تهددها بألقتل .. كما شاهدوك تعتدى عليها بالضرب بقسوة ؟؟
الدلو : دى زى بنتى .. وكل أب ممكن يغضب من بنته
المحقق : وأيه سبب الغضب .. وتهديدك لها بالقتل ؟؟
الدلو

المحقق : هل كنت تعلم أن القتيلة على علاقه بمدير شركتها ؟؟
الدلو
المحقق : ماذا كان رد فعلك عندما علمت بموضوع إختطافها الأسبوع الماضى ؟؟
الدلو : هى مذنبهاش حاجة .. الذنب على المجرمين
المحقق : ياترى كنت فين ليلة الحادث من السابعة مسائاً الى منتصف الليل ؟؟
الدلو

المحقق : مش قادر تعرف كنت فين ليلة الحادث ؟؟
الدلو

المحقق : السكوت ده مش فى مصلحتك .. خاصة وإن شهادة الشهود ضدك
الدلو

المحقق : هل تريد إضافة أى شيىء
الدلو

المحقق : أُقفل المحضر فى ساعته وتاريخه .. ويوضع المتهم أربعة أيام على ذمة التحقيقات


المشهد الثامن عشر (مكتب التحقيقات .. المحقق والسرطان.

المحقق : إسمك وسنك ومهنتك
السرطان : اسمى السرطان .. سنى 27 سنة .. المهنة طبيب أسنان
المحقق : أنت طبعاً طلعت بكفالة فى قضية الإختطاف .. فتقدر تقولنا كنت فين ليلة الحادثة من السابعة مسائاً وحتى منتصف الليل ؟؟
السرطان : من السابعة وحتى العاشرة كنت فى العيادة .. ثم رجعت للمنزل لأنى كنت تعبان .. ونمت على طول
المحقق :كنت فى العيادة من 7 ال 10 مسائاً .. تقدر تثبت الكلام ده ؟؟
السرطان : بالطبع .. التومرجى موجود .. والمرضى اللى بيترددوا على العيادة
المحقق : تعرف أيه عن علاقة القتيلة بمدير شركتها ؟؟
السرطان : أنا معرفش حاجة .. أكتر من إنى شفتها خارجة من عنده فى ساعة متأخرة .. وحاولت أعاتبها أنا وأخويا فإتهمتنا بالإغتصاب زى ما سعادتك عارف
المحقق : يعنى عايز تقول إن عملية الإختطاف لم تتم أصلا
السرطان : أيوه
المحقق : طب تفسر بإيه وجود بصمات ليك على شنطة يد القتيلة ؟؟
السرطان : أبدا ً محصلش .. أنا ملمستهاش
المحقق : عندك أقوال أخرى ؟؟
السرطان : لأ
المحقق : يقفل المحضر فى ساعته وتاريخه ويوضع المتهم أربعة أيام على ذمة التحقيق