المشهد السابع ( العقرب تستقبل زوجها الدلو )
العقرب : حتاكل ؟؟ أحضر لك الأكل ؟؟
الدلو : لأ .. أنا كلت لقمة خفيفة فى الشغل
العقرب : بس إنت إتأخرت النهار ده ..؟؟
الدلو : كان فيه إجتماع عشان تقفيل الميزانية
العقرب : على فكرة ..أختى كانت هنا النهار ده وكانت بتسأل حنسافر إمتى إسكندريه عشان نصيف ؟؟
الدلو (بتهكم ) : نصيف .. أسكندريه .. منين .. مش أما نكفى نفسنا الأول
العقرب : يعنى أيه ؟؟مش حنصيف ؟؟ وإحنا أقل من الناس ؟؟ لازم تتصرف .. أنا عارفة أيه الحظ ده ..كل الرجالة بتشتغل كذا شغلة وتريح بيتها ..إلا إنت
الدلو : يعنى عايزانى أعمل إيه ؟؟ ما أنا طول اليوم طافح الدم فى الشركه ..عشان مين ؟؟ مش عشانكوا ؟؟
العقرب : أيوه .. بس ممكن تعمل حاجات كتير .. إنت مش كنت غاوى مزيكة وإنت صغير ؟؟ ليه متشتغلش بعد الضهر فى أى كازينو .. وللا ملهى ليلى ..دول بيكسبوا دهب ؟؟
الدلو : عايزانى أشتغل فى ملهى ليلى ؟؟
العقرب : وفيها إيه ؟؟
الدلو : وأروح الشغل الصبح أنام هناك ؟؟
العقرب : ياخويا .. ما كل الموظفين بيناموا على المكاتب
الدلو : دى مسئولية ياوليه .. إنتى عارفه يعنى إيه مسئولية ؟؟
العقرب : أيوه ياخويا عارفة .. دى مسئولية عزيزه عليه .. بتاعة إسمه إيه ..عبد الحليم ( الدلو يخبط كفا بكف وهو يدخل غرفته )
المشهدالثامن (الثور فى حوار غاضب مع أبنه الجدى )
الثور : يعنى أيه عايز تخطب ؟؟ وأنا اللى بقول عليك عاقل ..وشايف مستقبلك ..ومخللى بالك من مذاكرتك
الجدى : أيوه يابابا ..انت عارف إنى خلصت الدراسة والحمد لله طلعت الأول على دفعتى .. وإنشاء الله حبقى معيد فى الكلية
الثور : كل ده معناه إن لسه الطريق أدامك طويل
الجدى :أيوه يا بابا .. أنا طلبت بس أخطب الإنسانة إللى بحبها .. وبعدين طبعاً فيه وقت عقبال
الثور (مقاطعا ) : عقبال إيه يافندى ؟؟ وبعدين إزاى تفكر تتجوز واحدة زى دى .. لا عيلة .. ولا أصل .. ولا
الجدى (مقاطعا) : يا بابا الجوزاء من عيلة طيبة .. و
الثور ( مقاطعا ) : تعرف إنت إيه عن عيلتها .. وعن أصلها .. صحيح المرحوم أبوها كان راجل طيب .. يس ده مش كفايه
الجدى : يا بابا .. دى إنسانة كويسة جداً
الثور : شوف يابنى .. الجوازة دى لا يمكن حوافق عليها
الجدى : بس أنا بقى مش صغير يا بابا .. وحتجوزها يعنى حت
الثور (مقاطعا فى غضب ) : أنت بترفع صوتك عليه ياولد .. أمشى إطلع بره من بيتى .. إنت لا إبنى ولا أعرفك .. بره
الميزان ( وقد دخلت مسرعة مع إرتفاع الصوت ) : هدى نفسك ياحاج .. أيه ده ياجدى .. حد يكلم أبوه كدا .. ياللا إطلع على أوضتك دلوقتى
الثور : ده يطلع بره بيتى ..ده مش أبنى
الميزان : معلهش ياحاج .. السماح .. هوه غلط .. سامحه .. وهدى نفسك .. بوس راس أبوك ياجدى ( يتقدم الجدى ويقبل رأس ابيه وهو يبكى )
المشهد التاسع (الثور والميزان فى غرفة النوم )
الثور : فيه سر أنا مكنتش قادر أقولك عليه ياميزان .. بس جه الوقت الى لازم أقولك عليه
الميزان : هدى نفسك بس ياثور .. كل شىء حيكون عال بإذن الله
الثور : إسمعينى بس .. إنت عارفة أن المرحوم جوز العقرب كان بيشتغل عندنا .. وكانت طبيعة شغله إنه يسافر لتخليص البضايع من المينا .. وأنا كنت فى سن الطيش .. يالرغم من إنى كنت متجوزك .. ومخلف أولادى التلاته .. لكن العقرب كانت بتشدنى بسحر غريب .. وكانت هى معاها عيل عمرة أربع شهور .. والشيطان لعب بيه وعاشرتها شهرين .. كان جوزها فى المينا طول الفترة دى .. وقلنا إن الموضوع حيدارى لما يرجع حتى لو ولدت على سبع شهور .. لكن الراجل عمل حادثة وأصبح لا يصلح للإنجاب بعد شفائة .. وكانت بطن العقرب تتكور وتكبر .. وهى لا تدرى ماذا تفعل .. وأكتشف الحقيقة .. وعرف أنى الفاعل .. ولم يستطع أن يفعل شيئاً .. ثم مات بعد ذلك كمدا ً
الميزان : يعنى الجوزاء بنتك ؟؟
الثور : أيوه .. وتعتبر أخت الجدى
الميزان : دى مصيبة
الثور : الجوازه دى لا يمكن تتم
العقرب : حتاكل ؟؟ أحضر لك الأكل ؟؟
الدلو : لأ .. أنا كلت لقمة خفيفة فى الشغل
العقرب : بس إنت إتأخرت النهار ده ..؟؟
الدلو : كان فيه إجتماع عشان تقفيل الميزانية
العقرب : على فكرة ..أختى كانت هنا النهار ده وكانت بتسأل حنسافر إمتى إسكندريه عشان نصيف ؟؟
الدلو (بتهكم ) : نصيف .. أسكندريه .. منين .. مش أما نكفى نفسنا الأول
العقرب : يعنى أيه ؟؟مش حنصيف ؟؟ وإحنا أقل من الناس ؟؟ لازم تتصرف .. أنا عارفة أيه الحظ ده ..كل الرجالة بتشتغل كذا شغلة وتريح بيتها ..إلا إنت
الدلو : يعنى عايزانى أعمل إيه ؟؟ ما أنا طول اليوم طافح الدم فى الشركه ..عشان مين ؟؟ مش عشانكوا ؟؟
العقرب : أيوه .. بس ممكن تعمل حاجات كتير .. إنت مش كنت غاوى مزيكة وإنت صغير ؟؟ ليه متشتغلش بعد الضهر فى أى كازينو .. وللا ملهى ليلى ..دول بيكسبوا دهب ؟؟
الدلو : عايزانى أشتغل فى ملهى ليلى ؟؟
العقرب : وفيها إيه ؟؟
الدلو : وأروح الشغل الصبح أنام هناك ؟؟
العقرب : ياخويا .. ما كل الموظفين بيناموا على المكاتب
الدلو : دى مسئولية ياوليه .. إنتى عارفه يعنى إيه مسئولية ؟؟
العقرب : أيوه ياخويا عارفة .. دى مسئولية عزيزه عليه .. بتاعة إسمه إيه ..عبد الحليم ( الدلو يخبط كفا بكف وهو يدخل غرفته )
المشهدالثامن (الثور فى حوار غاضب مع أبنه الجدى )
الثور : يعنى أيه عايز تخطب ؟؟ وأنا اللى بقول عليك عاقل ..وشايف مستقبلك ..ومخللى بالك من مذاكرتك
الجدى : أيوه يابابا ..انت عارف إنى خلصت الدراسة والحمد لله طلعت الأول على دفعتى .. وإنشاء الله حبقى معيد فى الكلية
الثور : كل ده معناه إن لسه الطريق أدامك طويل
الجدى :أيوه يا بابا .. أنا طلبت بس أخطب الإنسانة إللى بحبها .. وبعدين طبعاً فيه وقت عقبال
الثور (مقاطعا ) : عقبال إيه يافندى ؟؟ وبعدين إزاى تفكر تتجوز واحدة زى دى .. لا عيلة .. ولا أصل .. ولا
الجدى (مقاطعا) : يا بابا الجوزاء من عيلة طيبة .. و
الثور ( مقاطعا ) : تعرف إنت إيه عن عيلتها .. وعن أصلها .. صحيح المرحوم أبوها كان راجل طيب .. يس ده مش كفايه
الجدى : يا بابا .. دى إنسانة كويسة جداً
الثور : شوف يابنى .. الجوازة دى لا يمكن حوافق عليها
الجدى : بس أنا بقى مش صغير يا بابا .. وحتجوزها يعنى حت
الثور (مقاطعا فى غضب ) : أنت بترفع صوتك عليه ياولد .. أمشى إطلع بره من بيتى .. إنت لا إبنى ولا أعرفك .. بره
الميزان ( وقد دخلت مسرعة مع إرتفاع الصوت ) : هدى نفسك ياحاج .. أيه ده ياجدى .. حد يكلم أبوه كدا .. ياللا إطلع على أوضتك دلوقتى
الثور : ده يطلع بره بيتى ..ده مش أبنى
الميزان : معلهش ياحاج .. السماح .. هوه غلط .. سامحه .. وهدى نفسك .. بوس راس أبوك ياجدى ( يتقدم الجدى ويقبل رأس ابيه وهو يبكى )
المشهد التاسع (الثور والميزان فى غرفة النوم )
الثور : فيه سر أنا مكنتش قادر أقولك عليه ياميزان .. بس جه الوقت الى لازم أقولك عليه
الميزان : هدى نفسك بس ياثور .. كل شىء حيكون عال بإذن الله
الثور : إسمعينى بس .. إنت عارفة أن المرحوم جوز العقرب كان بيشتغل عندنا .. وكانت طبيعة شغله إنه يسافر لتخليص البضايع من المينا .. وأنا كنت فى سن الطيش .. يالرغم من إنى كنت متجوزك .. ومخلف أولادى التلاته .. لكن العقرب كانت بتشدنى بسحر غريب .. وكانت هى معاها عيل عمرة أربع شهور .. والشيطان لعب بيه وعاشرتها شهرين .. كان جوزها فى المينا طول الفترة دى .. وقلنا إن الموضوع حيدارى لما يرجع حتى لو ولدت على سبع شهور .. لكن الراجل عمل حادثة وأصبح لا يصلح للإنجاب بعد شفائة .. وكانت بطن العقرب تتكور وتكبر .. وهى لا تدرى ماذا تفعل .. وأكتشف الحقيقة .. وعرف أنى الفاعل .. ولم يستطع أن يفعل شيئاً .. ثم مات بعد ذلك كمدا ً
الميزان : يعنى الجوزاء بنتك ؟؟
الثور : أيوه .. وتعتبر أخت الجدى
الميزان : دى مصيبة
الثور : الجوازه دى لا يمكن تتم
No comments:
Post a Comment