صراع اللأبراج - قصة طويلة فى حلقات يومية

المشهد التاسع عشر (المحقق والحوت )
المحقق : اسمك وسنك ومهتتك
الحوت : اسمى الحوت .. عمرى 25 .. طالب فى السنة الرابعة بكلية التحارة
المحقق :كنت فين ليله الحادث من السابعة مسائاً وحتى منتصف الليل ؟؟
الحوت : أنا كنت مع بعض الأصدقاء حتى الثامنة تقريباً .. وبعدين دخلت السينما من حفلة تسعة وخرجت فى حدود حداشر وروحت على طول
المحقق : كان معاك أصدقائك فى السينما ؟؟
الحوت : لأ كنت لوحدى .. ومعايا التذكرة
المحقق : إنت متعود تدخل السينما لوحدك
الحوت : يعنى .. أحياناً
المحقق : أخوك أنكر علاقته بموضوع القتل .. وإن كان إعترف بالأغتصاب بعد مواجهته بأدلة يصماته على شنطة القتيلة .. وإنت إيه علاقتك بموضوع الإغتصاب أذا إفترضنا إنك كنت فى السينما لوحدك .. وملكش علاقة بموضوع القتل ؟؟
الحوت : أنا مقتلتهاش صدقنى
المحقق : طيب وموضوع الأغتصاب ؟؟
الحوت : أنا مليش دعوه .. الحوت هوه اللى إعتدى عليها .. وأجبرنى إنى أشترك معاه عشان نكسر عينها .. بس أنا مذنبيش حاجة .. أنا كنت بحبها .. ولكن هيه اللى كانت رافضه حبى ليها
المحقق : عندك أقوال أخرى ؟؟
الحوت : لأ .. بس أنا مقتلتهاش .. مقتلتهاش
المحقق : يقفل المحضر فى ساعتة وتاريخه .. ويحجز المتهم أربعة أيام على ذمة التحقيق


المشهد العشرون ( مكتب التحقيقات .. المحقق و الأسد )
المحقق : اسمك وسنك ومهنتك
الأسد : أسمى الأسد .. عمرى 52 سنة .. أعمال حرة فى الإستيراد والتصدير
المحقق : القتيلة كانت بتشتغل عندك ؟؟
الأسد : أيوه .. كانت سكرتيرتى الخاصة
المحقق :هل كان من طبيعة عملها كسكرتيرة إنها تزورك فى المنزل
الأسد : لأ طبعاً
المحقق : فيه ناس شافوها خارجة من عندك من أسبوع فى ساعة متأخرة .. فما تفسيرك ؟؟
الأسد : فى اليوم ده أنا مرحتش الشركة .. وطلبت منها إنها تعدى عليه إذا كان فيه بوسطه مهمه .. فجت بعد العمل ..حوالى الثامنة مسائاً.. وإدتنى البوسطة وبعدين روحت
المحقق : اللى شافوها .. قالوا إنها خرجت من عندك فى العاشرة مسائاً .. ؟؟
الأسد : أيوه .. أيوه .. أنا فاكر إنها كانت حاسه بدوخة فى اليوم ده .. وطلبت منى كوباية مية .. وأخدت برشام كان معاها فى الشنطه .. قالت إنه للصداع النصفى .. أنا طلبت منها إنها تستريح فى غرفة زوجتى .. وكانت زوجتى فى اليوم ده معزومه عند أختها ..ولما شعرت بالتحسن قامت وروحت
المحقق : إتضح من تقرير الطبيب الشرعى أن القتيلة غير عذراء .. وأنها حامل فى شهرها الثانى .. فإيه مدى علاقتك بالقتيلة ؟؟ وهل زوجتك على علم باليوم الذى نامت فيه القتيلة عندك ؟؟
الأسد : انا مفيش بينى وبينها أى علاقة .. أما عن علم مراتى .. فقد حضرت .. وغضبت .. وقد طلبت الطلاق لأنها ظنت أنى على علاقة بالسكرتيرة
المحقق : وهل زوجتك لا تثق فيك الى هذه الدرجة .. فتطلب الطلاق بهذه السرعة ؟؟
الأسد : الحقيقة إن إحنا فى خلافات مستمرة من وقت طويل
المحقق : طيب كنت فين ليلة الحادث من السابعة مسائاً وحتى منتصف الليل
الأسد : أنا فى اليوم ده خرجت من بيتى حوالى الثالثة ووصلت الإسكندرية فى الخامسة مسائاً وقابلت بعض العملاء فى مكتبى اللى فى اسكندرية لحوالى الساعه التاسعة مسائاً .. وبعدين سهرت فى ملهى ليلى لغاية الساعة إتنين صباحاً
المحقق : طيب ممكن تتفضل .. بعد ما تسجل لنا أسماء وعناوين الأصدقاء اللى سهرت معاهم .. يمكن نتصل بيهم ..
الأسد : حاضر
المحقق : يقفل المحضر فى ساعتة وتاريخة .. ويفرج عن الأسد بضمان بطاقته الشخصية


المشهد الحادى والعشرون (مكتب التحقيقات .. المحقق والجدى )
المحقق :اسمك وسنم ومهنتك
الجدى : اسمى الجدى .. عمرى 24 سنة معيد فى كلية العلوم جامعة عين شمس
المحقق : علمت أنك خرجت من الجيش من أسبوع تقريباً
الجدى : أيوه
المحقق : يعنى يوم وقوع الحادث للقتيلة
الجدى : -----
المحقق : إيه مدى علاقتك بألقتيلة ؟؟
الجدى : كنا متفقين على الجواز بعد خروجى من الجيش
المحقق : هل كنت على علاقة جنسية معها ؟؟
الجدى : ------
المحقق : هل تعلم أن القتيلة كانت حامل فى شهرها الثانى ؟؟
الجدى : ------
المحقق : وجد خطاب فى حقيبة القتيلة لك .. تدعوا القتيلة الى مقابلتك فى يوم خروجك من الجيش .. فى الثامنة مسائاً .. وهو يوم وساعة وقوع الجريمة
الجدى : أنا إستنتها .. مجاتش
المحقق : محاولتش تعرف لماذا لم تحضر اليك فى الموعد ؟؟
الجدى : لأ .. روحت على أساس أكلمها فى التليفون تانى يوم أعرف أيه السبب
المحقق : يعنى لم تحضر فى الميعاد .. وحدث بينكم مشادة بسبب معرفتك بموضوع الحمل مثلا ؟؟
الجدى : لأ .. محصلش .. محصلش

المحقق :عندك أقوال أخرى تريد إضافتها ؟؟

الجدى : لا

المحقق : يقفل المحضر فى ساعته وتاريخه ..ويحجز المتهم أربعة أيام للتحقيقات