حدث فى شارع فيصل

ألكل قاعد يحسبها .. بعد حزمة الإجراءات التى أعلنتها الحكومة الذكية لزيادة أسعار البنزين وبعض الخدمات .. لتدبير موارد حقيقية للعلاوة الإجتماعية .. رئيس الوزراء والوزراء يشرحون فى كل وسائل الإعلام المسموع والمرئى والمقروء عن الهدف النبيل من تحقيق العدالة الإجتماعية بألأخذ من الغنى لمصلحة محدودى الدخل .. ويؤكدون بأنهم بهذه القرارات يساندون الفئات الغير قادرة على مواجهة موجات الغلاء وإرتفاع الأسعار العالمية .. حاولت أن أفهم وأستوعب ما يحدث .. حتى من الناس البسطاء .. وخرجت بنتيجة واحدة .. أن العلاوة تبخرت حتى قبل أن تصل ليد معدومى الدخل .
وعلى الإنترنت .. وبعيداً عن مشاعر الحزن كان الموضوع التالى على أحد المواقع .. يرسم الإبتسامة مرة اُخرى على شفتى .. ليس من الموضوع نفسه .. ولكن من تعليقات القراء التى إخترت بعضها .. ولنبداء بموضوع الخبر أولا

أحضان وقبلات ساخنة بشارع فيصل وسط ذهول المارة

أمرت نيابة الهرم بإشراف المستشار حمادة الصاوي المحامي العام الأول لنيابات جنوب الجيزة ومحمود طلبة رئيس
النيابة بحبس "ي. م. ي" 32 سنة مدير إضاءة بمدينة الإنتاج الإعلامي و"أ.م.ف" 32 سنة ماكييرة 4 أيام علي ذمة التحقيق لارتكابهما فعلاً فاضحاً في الطريق العام وحيازة الأول مخدرات بقصد التعاطي .. كشفت التحقيقات التي باشرها إبراهيم العياط وكيل أول نيابة الهرم أن المتهمين احتضنا بعضهما في شارع فيصل وتبادلا القبلات الساخنة وسط ذهول المارة الذين أبدوا استياءهم من هذا الفعل، حسبما ذكرت صحيفة المساء .. وتصادف مرور الدورية الأمنية وشاهد أفرادها الفعل الفاضح بين المتهمين فألقوا القبض عليهما

وعثر علي 10 جرامات من الحشيش مع المتهم .. تم تحرير محضر بالواقعة وأحيل المتهمان إلي النيابة التي أمرت بحبسهما
تعليقات القراء
مواطن.. ظهر الفساد في البر والبحر بما كسبت ايدي الناس
اسامة .. اعتقد ان البلد تتجه نحو السقوط فى بحر الدعارة.. الشاب لا يستطيع الزواج او العمل او السفر وبالتالى يتجه للدعارة الارخص.. الشابة متيقنة ان عهد الزواج ولى واندثر وان العنوسة تسيطر على غالبية البيوت وبالتالى تتجه للزنا.. اولا لاشباع غريزتها وثانيا للصرف على اسرتها الفقيرة .. الوضع دة بينتشر بسرعة الصاروخ .. وربنا يستر علينا احنا داخلين فى ايام سودة.
المستعين بالله : صدق رسول الله وتنبؤة بالزنا فى الشارع والله ان رسول الله لصادق ودا من علامات الساعة نسأل الله العافية .. وبعدين احنا متعجبين لية طيب مايروحوا شرم الشيخ ودهب والمناطق دى والله ماهيقدروا يعملوا لسايح اجنبى محضر بل بالعكس .. انا لله وانا الية راجعون وحسبنا الله ونعم الوكيل واللهم اهدى .. المسلمين ولاتفضحنا بين خلقك .
احمد المصرى : نعم انتظرو الساعة يفعلون الفاحشة على قارعة الطريق .
مسلم : وطب وفى شارع الهرم حلال؟ .. وشرم الشبخ جائز؟ .. والغردقة فيها قول اختلف العلماء فيه؟ .. وكورنيش اسكندرية غير ثابت ؟ .. وفنادق القاهرة وبارات شارع الهرم مقبول؟ .. افتئمنون ببعض الكتاب وتكفرون ببعض .
مبقيناش نصدق : السيناريو كالتالي البيه بتاع الدورية معدي والاستاذ ماسك ايد الاستاذة ومعدي نزل الباشا من الدورية يتنطط علي الاستاذ بطاقتك يااستاذ , الاستاذ قال ليه بس في ايه , رد الامين انت هتسال ياروح امك ادي البطاقة للباشا بدل ما اخليك فرجة قدام السنيورة, الاستاذ بغضب .. انتو عارفين بتكلموا مين , هنكون بنكلم مين يا روح امك طيب اركب بقي وانا اعرفك , اطلع بينا علي القسم , نطلع منطلعش ليه وريني هتعمل ايه , طلع الباشا علي القسم بينما الاستاذ بيتصل بالمعارف يلحقوه , الباشا حس ان فيها معارف , الحق اعمل محضر بسرعة قبل ما حد ييجي , الامين بس يا باشا انت عارف ان محضر فعل فاضح في الطريق العام عايز شهود واثبات وقضية هبلة وهتنهي بالبراءة طبيعي الباشا قال لا ماهو متخليهاش كدة بس حط كمان حتة الحشيش دي نقول لقيناها في جيبه علشان كدة تبقي الحكاية تمام وتم عمل المحضر , تفتكروا الموضوع دة حكاية؟ اقسم بالله العظيم ان ما احكيه يحدث في مصر كل يوم بنفس السيناريو مع اختلاف الافراد , بذمتكم في واحد هيقعد يبوس في واحدة قدام الدورية ومعاه حشيش في جيبه وفي فيصل ومهندس اضاءة ومع ماكييرة , يخرب بيت العقول .
تيتو : ياجماعه بلاش سوء الظن اللي جايبنا ورا .اكيد الست دية خالته ولسه راجعه من العمرة قام فرح واخدها بالاحضان وهاتك يابوس...قصدي قبلات .
مراقب : الافعال الفاضحة فى الشوارع هو سبب ارتفاع الاسعار اللى بنشتكى منها .
تيفه : مش يمكن يكون خالها ولا حاجه يا جماعه .
هزيم : مش معقول واحد يعمل كده في الشارع حتي ولو كان جون ترافولتا وهي مارلين مونرو وبعدين كمان إللي يؤكد ظني أنه تلفيق حتة الحشيش إللي بيقولو عليها دي ... مش معقوله خالص .
عمر : لسة محتاجين توعية دينية اكتر فى الايام الصعبة الى بنعيشها دى مع كل الفتاوى وكثرة المحطات الدينية وبرضة حاسس ان فى جانب كبير لسة معندوش ادنى فكرة بالحرام والحلال .
توته : احنا مستغربين من ايه حتي لو حقيقه ما احنا بنشوف كل ده في السينماهو جديد يعني .
عادى : والله عادى بيحصل اكتر من كده مع الاجانب والبوليس بيخدم عليهم وبيحميهم من الناس علشان يشتغلوا براحتهم انزل شرم او المطار فى صالة الوصول او الغردقه وسلملى على العيش والغاز .
عادي : انا شفت قبلات واحضان في شارع النصر عند سور جامعة الازهر عادي يعني ماهو الحديد غلي هايجوزو ازاي .
غباوة : ولو القصة دية بجد مش تلفيقة المفروض يعدموة بتهمة الغبببببببببببببباء ههههههههههههههههه .
محمد مصطفى : ربنا لاتؤاخذنا بما فعل السفهاء منا ربنا اكشف عنا العذاب إنا مؤمنون .. إن الله لا يغير ما بقوم حتى يغيروا ما بأنفسهم .. و إذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا .. و لو أن أهل القرى آمنوا و اتقوا لفتحنا عليهم بركات من السماء و الأرض و لكن كذبوا فأخذناهم بما كانوا يكسبون .. و البلد الطيب يخرج نباته بإذن ربه و الذي خبث لا يخرج إلا نكدا .. فلولا كان من القرون أولوا بقية ينهون عن الفساد في الأرض إلا قليلا ممن أنجينا منهم و اتبع الذين ظلموا ما أترفوا فيه و كانوا مجرمين .. قال رسول الله صلى الله عليه و سلم:((لم تظهر الفاحشة في قوم قط حتى يعلنوا بها إلا فشا فيهم الطاعون والأوجاع التي لم تكن مضت في أسلافهم
تيتو : أدعو ضباط الشرطة "النشطاء" بزيارة كورنيش اسكندرية فأي منطقة و في أي وقت صبح .. ضهر .. ليل .. و هاتلاقوا ما لذ وطاب .. بوس و أحضان ايه ؟ يا عم دول غلابة .. تعالوا اتفرجوا .. بس ع الكورنيش مش هاتلاقي " ذهول للمارة " الموضوع بقى عادي جداً .. و سلملي ع الفعل الفاضح .
البر : على فكره الحشيش وحدته القرش مش الجرام .
مسلمه عايشه فى اوروبا : اللى بيقول انها غلطة البنت باقوله بلاش تخلف و تحامل على المرأة لان ربنا ساوى بين الاعمال للست و الراجل و بعدين ما هو الحيوان ده مالوش اخت او ام ؟ اللى عمال يقول شرم الشيخ عايزه اقولك ان الاجانب ما عندهمش دين زينا و عندهم يعملوا ادام الناس احسن ما يروح شقق مفروشه
بالليل و الصبح يبقى شيخ .. روح الكورنيش و لا اى شارع ضلمه كلهم محجبات و اتحدى ان كلامى غلط هى دى الرجوله ؟ و البنات برضه بقت زباله احنا مجتمع مش بنعمل بديننا يعنى هتلوموا الاجانب على عدم وجود دين و انتم بقى بتعملوا كده بحجة ايه ؟ اقول انكم ناقصين دين و خساره فيكم الاسلام و الحجاب لانكم وسختوه .
مش مهم الإسم : خبر مفبرك..ولايعقل بالمرة..تلاقي الضابط كلمه بشكل مش كويس الواد رفض الأسلوب و رد عليه قام لفقلهم الموضوع بالشكل ده..و الله تحصل بمنتهى السهولة..الورق بتاعنا و الدفاتر بتاعتنا..سحبهم على القسم و إكتب محضر بكذا و كذا يابني..أوامر سعادتك يا باشا..ثم ينظر للواد المسكين و يقوله إن ما وريتك يا ....أمك .
مواطن مغلوب على امره : اولا دول كانوا بيبوسوا بعض عشان العلاوة وزيادة البنزين والذي منه يا خوفي نصحى الصبح ياخذوا منا ضرائب على البوس .. وكل واحد يخلي بالو من لغاليغووووووووووو انه عالم مجنون مجنون يا نعيمة .
هانى : احنا فعلا في عصر الفوضي يعني هما سايبين الي بيحصل في الافلام المصرية والقنوات الفضائية والتلفزيون وماسكين في ده
مراقب : يا جماعة خلوا بالكم من بنات اليومين دول ..وقبل الزواج دور على الام والاب شكلهم ايه واللى تلاقيهم حاكمين بيتهم صح خدها حتى لوفقيرة او مش حلوة والبيت اللى تلاقى فيه الست هى اللى بتتكلم والراجل قاعد كيس جوافة اوعا تاخد منهم لان البنت هاتكون زى امها .
ناصر الشيال-دمياط : اذا كان البوس فى فيصل فال......... فى الهرم والمقطم والمطار أصحى يادخلية .
ابراهيم : القضيه بايظه بايظه وهياخدوا براءه التلفيق ريحته فايحه وفي عدم معقوليه. الراجل ده اكيد معاه عربيه وكمان جاي من 6 اكتوبر يعني ما فيش اي راكنه يمين ولا شمال؟؟ ده اولا ... وثانيا ده راجل حائز لماده مخدرة (حشيش) يعني بيقول ياحيط داريني مش هيقعد في قلب الشارع يقول يلي ما شفتش الحشيش شوف البوس وتعالي علشان تفتشني ..هو بس تلاقي الواد ما فتحش مخه..علي فكره انا محامي .
ابو ميدو : بلاش عبط بقى كل الكلام ده على بوسه امال بقى الحكومه الى عماله ..... فينا شامى و بلدى يبقى ده اسمه ايه فعل فاضح و لا فعل ماضى ...... و سلملى على الاتوبيس و يا جماعه الى مش لاقى حته يبوس فيها يجى عندنا فى المعادى و يطلع على زهراء المعادى و هناك البوس للركب

.عبد الرحمن : التعليقات كتير كده ليه هو النهارده ايه .