مرة تانيه
رجعت بالأيام ورا
خطوة .. خطوة
أفتكر .. همسة حلوة سمعتها
من زمان
من شفايفك
من شفايف قلبى لخضر
راح يغنى وقتها
وهو على شط القمر
والنجوم حواليه بترقص
رقصه حلوة
السما كانت فى إيده
نجمة خضرا وقتها
يوم ما حط بإيده هوه
طوبه خضرا
جوا محراب حبنا
إنت فاكره يوم ما جيتى
صدفه حلوه جمعتنا
فوق سحابه بتنور وتضوى
فوق نسيم الليل
جنب نجمه منوره
قولتيلى إسمك عليه
ياعنيه
عايز أقولك ياعليه
إن إسمك
جوا برواز من دهب
جوا قلبى
كنت بأنقشلك حروفه
تحت ضليلة القمر
من زمان
قبل ما تجمعنا صدفه
عايز أقولك ياعليه
إن صورتك
مش حيطويها الزمن
طول ما صدرى بيرتفع
طول ما روحى بتجرى
جوا الدم لحمر
بين عروقى
وجوا قلبى
ياحبيبتى
صورتك إنت جوا عينى
بين رموش عينى
اللى واقفه تحمى حبنا
بلونه لخضر
واللى إتزرع
فى ليله خضرا
فى قلب واحد
قلبك إنت .. قلبى أنا
ياعليه
No comments:
Post a Comment