جزء من خطاب .. بعد كتب الكتاب بحوالى ثلاث شهور ..وهو ديالوج ..وإن كنت أتخيل رد زوجتى
زوجتى .. وحبيبتى .. إزيك دلوقتى يابطة
كويسة خالص ياحبيبى **
يعنى أقدر آخد بوسه من شفايفك الحلوه
لأ .. ياحبيبى **
ليه .. ياروحى
عشان الدنيا حر **
طب فتفوته صغيره
يحنن .. ياروحى **
طب .. بوسه على الهوا
نعم .. نعم ..ودى تبقى بوسه دى **
إمال تبقى إيه ياحبيبتى
تبقى خيابه .. فيه راجل يبوس مراته على الهوا **
يا حبيبتى .. مش بتقولى الدنيا حر ؟؟
ياعالم .. إفهمونا بقى **
آه .. مش تقولى كده من الصبح
( على فكره ..والله ..ما أنا فاهم حاجه لحد دلوقتى )
وبعد سنوات الزواج ..وزواج كل الأولاد .. كان هذا الحوار
أحمد كلمك على الموبيل ؟؟
لأ **
أصله إتصل ..وانتى عند الجيران ..وقال إنه حيروح النادى وشاهيناز رايحه كمان .. وعايزينك تروحى معاهم ..أنا قلت له يتصل بيكى على الموبايل
لأ .. ما إتصلش .. يمكن ما عندوش شحن فى الموبايل **
وبعد أن إتصلت بهم .. قالت لى
هم وصلوا .. إنا هلبس وأروح عشان زهقانه ..حاخد تاكسى وأروح **
ليه ما تاخدى العربيه ؟؟
لأ .. مش قادره أسوق ..ركبى تعبانى .. وكل ما تخف شويه ترجع تتعب **
طيب خدى تاكسى .. وحد منهم يوصلك وإنتى راجعه
إلأكل سخن على البوتاجاز .. ما تنساش تحطه فى التلاجه بعد ما يبرد **
No comments:
Post a Comment